Presheva kërkon nga kryeministri Haradinaj hapjen e Konsullatës së Republikës së Kosovës

Liderët politik përshëndetën qeverinë e re të Kosovës me kryeministër Ramush Haradinaj. Populli i Preshvës ka pritshmëri të mëdha që marrëdhëniet mes Luginës dhe Kosovës do të rregullohen. Kryetari i Luginës së Preshevës dhe drejtues i KKSH-së, Jonuz Musliu, në një intervistë tha se është koha e fundit që institucionet e Kosovës të kenë qasje me serioze me shqiptarët entik në Medvegjë, Bujanoc dhe Preshevë.
“Ishte momenti dhe koha për ndryshime në Kosovë. Populli priste diçka të re. Kur Zvicra ndërron presidentët apo qeverinë për çdo vit, ne presim që Kosova të ketë këtë standard të ketë një pushtet të përjetshëm si në kohën e ish-Jugosllavisë. Mbesim me shpresë se qeveria e re e Kosovës do të reflektojë pozitivisht edhe në avancimin e proceseve dhe realizimin e të drejtave tona kombëtare në Kosovën Lindore”, ka deklaruar Musliu.
“Shqiptaret, sidomos ne nga Lugina e Preshevës kemi mirëpritur zgjedhjen e zotit Haradinajt për kryeministër. Hiç kontributin e tij për çlirim para lufte dhe për demokraci pas lufte, Haradinaj ishte kryeministri i parë që u interesua të këmbente përfaqësitë e Kosovës me Luginën. Kur Serbia ka ministrinë e vet për minoritete në Kosovë, pse edhe Lugina të mos e ketë një ministër të vetin në Kosovë. Prandaj, ne kërkojmë nga kryeministri i ri i Kosovës zoti Haradinaj, që edhe Lugina e Preshevës në të ardhmen të ketë ndonjë ministri apo konsullatën e vete ne Luginë, në Preshevë.. ”, ka pohuar Musliu.
Jam i bindur thellë se kontributi i kryeministrit Hradinaj, do të jetë edhe më i madh ndaj Luginës së Preshevës, i cili është njëri nga personalitetet e shquara politike e institucionale, që më së shumti i ka kontribuar Luginës ne forma te ndryshme dhe është lideri më i informuari për gjendjen e vështirë të shqiptarëve të këtij rajoni, ka thëne z.Musliu duke shtuar se “Haradinaj është një copë e Kosovës Lindore i cili luftoi edhe në trojet tona në Luginë. Kur ai ishte në gjendje t’i ndihmojë Luginës ne luftë, sigurisht tash roli i tij ne paqe do të jetë edhe më i madh”
“Presheva ka sytë kah Haradinaj, me shprese se do të jetë i vetmi kryeministër qe do të realizojë kërkesat e shqiptareve nga Lugina. Sipas Musliut mbetemi me shprese se kryeministri Haradinaj do të hape zyrën, përfaqësinë e Luginës në Kosovë, do të na sjellë tekstet e jo fjalë e premtime te kota sikur deri me tash nga ministrat e kryeministra e mëhershme me mungesën e librave dhe diplomave. Nga Qeveria kosovare kërkojmë jo vetëm hapjen e një konsullate ne Bujaoc, por edhe mbështetje financiare hiç më shumë se sa qeveria e Serbisë për serbët e Kosovës.” ka thënë Musliu.