Ishte zgjedhja e dytë e Luciano Spallettit, por Alisson Becker ka treguar paraqitje të mira në Ligën e Evropës. 24 – vjeçari u kërkua nga Sao Paulo si huazim për vitin tjetër, por agjenti i tij ka thënë se Alisson nuk largohet.
Maria Neis, agjenti i portierit brazilian ka thënë se ai është i lumtur në Romë dhe do të luftojë për pozitën e titullarit.
“Alisson është një portier i Romës dhe ai është i lumtur me jetën këtu dhe klubin. Nuk kemi pasur kontakte me Sao Paulon për huazimin e portierit pasi ai nuk dëshiron largimin”, ka deklaruar Neis.
Vlen të thuhet portieri brazilian Allison ka nënshkruar kontratën me klubin futbollistik Roma më 4 shkurt të 2016, kontratë që do të zgjaste 5 vite dhe kushtoi 7.5 milionë.
