Deputeti i Partisë Demokratike Genc Pollo komentoi vizitën e komisionerit Hahn me kryeministrin si dhe procesin e reformave për hapjen e negociatave.
Ai u shpreh se e vërteta është ajo që tha dhe komisioneri, por që ka thënë dhe opozita në parlament, e ndonëse u hap procesi i verifikimit që nuk ka munguar dhe më herët, faktikisht vendim për negociata nuk ka.
Më tej në fjalën e tij Pollo u shpreh se vendi ynë mund të jetë bërë pengesë dhe për Maqedoninë, e cila sipas tij ka bërë progres shumë më të mirë sesa Shqipëria në procesin e reformave për integrimin.
“Unë mendoj se të thuash që ka shumë punë për të bërë dhe që ka shumë kriterë për të përmbushur dhe që para kemi një rrugë të vështirë, është realiste, siç nuk ishte realiste shpallja e më shumë se dy javëve, që patëm sukese dhe u çelën negociatat.
Sot qeveria në prani të KE-së, Rama sidomos u detyrua që ta rrotullojë pak gjuhën dhe të përdori termin formal. E vërtëta është ajo që tha dhe komisoneri që ka thënë dhe opozita në parlament, që ndonësa u hap procesi i verifikimit që nuk ka munguar dhe më herët, faktikisht vendim për negociata nuk ka. Vendimi për negociata do merret pas 12 muajsh, si për Shqipërine dhe për Maqedoninë. Ky vendim mund të jetë gjithfarësh, mund të jetë pozitiv mund të jetë negativ, mund të ketë kërkesa shtesë, por ajo betejë për jetë a vdekje, që Rama e shpalli muajn që kaloi, fatkeqsisht për Shqipërinë nuk u fitua. Nëse vendet antare një pjesë duan që të hapen negociatat, ka shqetësim nga vendet e treta, për ndonjë miqësi personale me personazhe të Turqisë të kryeministrit tonë, por me rëndësi në vendin tonë janë arritjet e brendshme.
Këtë gjë komisioni e thotë hapur, siç thuhet se ka problem për krimin dhe korrupsionin. Në një farë mënyre Shqipëria mund të jetë bërë pengesë për Maqedoninë. Maqedonia është më e avancuar se Shqipëria. Edi Rama ka 5 vite në pushtet dhe nëse shihni kushtete janë më të rënda se dy vite me parë dhe janë më të rënda krahasuar me Maqedoninë.
Shqipëria ka, zgjedhjet, drogën, problem i majisur në 4 vitet e fundit, ka emigratët e paligjshëm, problem këto të cilat Maqedonia nuk i ka. Të flasim drejt, Maqedonia me një vit qeveri pas një regjimi problematik ka avancuar shumë më mirë sesa vendi ynë.
Mesa kemi dëgjuar për Maqedoninë do të ishin të gatshëm, por nuk do të ishte e rekomandueshme, njërit vend ti hapeshin negociatat në rastin konkret Maqedonisë dhe Shqipëriasë jo. Jemi shumë më mbrapa Maqedonisë.”
