Çudirat nuk kanë fund. Teksa e gjithë popullata po mundohet që të ruhet me kujdes për të mos u infektuar nga koronavirusi, një zyrtar gjerman ka bërë krejt të kundërtën. Ai ka deklaruar se është vetëinfektuar me koronavirus qëllimisht.
Stephan von Dassel, 53 vjeç kryetari i rrethit Mitte në Berlin është shprehur se dëshironte të infektohej vetë, në mënyrë që të zhvillonte imunitet.
Ai u infektua me qëllim duke mos u izoluar larg së dashurës së tij, e cila mori koronavirusin kur ishte me pushime në Zvicër. Pavarësisht se ai e kishte marrë me sportivitet këtë gjë, është shprehur i penduar, pasi ishte më keq sesa ai e mendonte.
“Unë mendoj se jam mirë, por kam qenë i sëmurë për një kohë të gjatë. Më gjatë nga sa mendoja. Unë u infektova me qëllim, për t’u argëtuar dhe mendova, mirë ju e dini, për tre ditë të filloj të shërohem e të fitoj imunitet. Dhe pastaj nuk mund të infektohem përsëri dhe nuk mund të infektoj dikë tjetër. Por ishte më keq sesa mendoja”, ka thënë ai.
