Drejtori për Sigurinë e Rendin, Altin Qato ka dhënë një deklaratë për mediat lidhur me protestën që do të mbahet nesër nga opozita në disa akse rrugore.
Qato ka dhënë alarmin lidhur me këtë protestë, duke u bërë thirrje qytetarëve të mos marrin pjesë në këtë manifestim të paligjshëm dhe të mos bien pre e politikës.
Gjithashtu, Qato ka paralajmëruar se do të merren masa mbi këdo që shkel ligjin.
“Nuk ka asnjë shkak ligjor dhe asnjë motiv për zhvillimin e kësaj proteste nga opozita. U bëj thirrje qytetarëve që të mos bini pre e thirrjeve të politikës.
Ky manifestim është i paligjshëm, prandaj shmangni pjesëmarrjen.
Do të merren masa ndaj kujtdo që shkel ligjin dhe bllokon rrugën.
Zhvillimi i protestës cenon rendin dhe sigurinë.
Çdo mjet që do përdoret në manifestim, do regjistrohet”, tha Qato ndër të tjera.
Ndërkohë, kreu i të rinjve demokratë, Këlliçi ka thënë se protesta do të jetë tërësisht paqësore.
