Prej ditësh, policia bën publike listat me emrat dhe bashkëngjitur të dhënat me fotot e personazheve, të cilët janë shpallur në kërkim për një sërë veprash. Të dënuar me nga 25 vite e deri në burgim të përjeshtëm, Policia e Shtetit duket se e ka patur të pamundur të gjejë këta kriminelë, ku mes tyre spikasin edhe femra.
Ndodhur në kushtet që uniformat blu nuk kanë asnjë sinjal për kapjen e këtij kontigjenti, e kanë parë të udhës që të kërkojnë ndihmë tek qytetarët.
Por këta të fundit nuk kanë nguruar që të komentojnë në Facebook-un e Policisë së Shtetit, e madje dhe të tallen. Fotot e vjetra e vështirësojnë edhe më shumë identifikimin e këtyre personave, që janë në kërkim.
