Këto pamje nuk tregojnë gjë tjetër veçse një grua e cila përdoret si mburojë nga policia në Guinea.
https://www.facebook.com/guineemorale/videos/158056248965000/
Policët të frikësuar nga ‘sulmuesit’, mbajnë para vetes një grua. Mësohet se policia ka qenë duke u përballur me disa të rinj, të cilët po protestonin kundër mandatit të tretë të presidentit Alpha Conde.
Tre policë shihen duke e shtyrë gruan për disa metra, me qëllim që të mbrojnë veten nga sulmet me gurë të protestuesve të rinj. Në fund, një polic qëllon me armë dhe tërhiqet bashkë me kolegët, duke e tërhequr zvarrë gruan, shkruan “France24”.
“Pasi e tërhoqën me forcë për disa metra, policët e lanë gruan të shtrirë në tokë dhe u larguan në drejtim të rrugës kryesore të lagjes. E sollëm atë në shtëpi dhe ishte tepër e frikësuar. Rrobat i kishte të mbuluara me baltë, prandaj nëna ime ia dha disa rroba të reja”, tha një dëshmitar.
Ai shtoi: “Disa njerëz kanë thënë në internet se ajo është shtatzënë. Kjo nuk është e vërtetë, por ajo e ka një foshnjë 6-muajshe”.
Një nga policët u justifikua se kjo grua i kishte furnizuar me gurë protestuesit, ndaj ishte ndaluar nga policia.
