Kontrolle nga toka e deti gjithë vijës bregdetare! Policia Kufitare intensifikon masat për parandalimin dhe goditjen e trafikut të lëndëve narkotike përgjatë gjithë kufirit detar e kufirit jeshil.
Në bashkëpunim me Delta Forcë, Policia Kufitare e Durrësit ka kryer patrullime e kontrolle 24 orë në det të mjeteve lundruese nga Kepi i Rodonit deri në Velipojë në grykë derdhjen e Bunës.
Gjithashtu, janë bërë kontrolle të ndërtesave të braktisura të zonave të pyllëzura afër vijës bregdetare me qëllim parandalimin, evidentimin dhe goditjen e trafikut të lëndëve narkotike si dhe të vendeve ku mund të fshehin lëndën narkotike për t’i shpëtuar kontrolleve të policisë.
