“Formula 1” ka dhuruar spektakël në çmimin e Madh të Belgjikës. Britaniku Lewis Hamilton, ka shkurtuar diferencën me Sebastian Vettel dhe ka triumfuar në pistën e “Spa Francorchamps”.
Gjermani i “Ferrarit” nuk reshti së sulmuari duke mos e lënë të qetë pilotin e “Mercedesit”, por Hamilton arriti të shpallej fituesi i “Çmimit të Madh”.
Podiumin në pistën e Belgjikës e plotësoi Ricciardo me “Red Bull”, duke lënë jashtë tij dy finlandezët e “Ferrarit” dhe “Mercedes-it”, Raikkonen e Bottas. Hamilton shkurtoi diferencën në vetëm 7 pikë me Vettel. Me pilotin gjerman që është i vetmi në “luftë” për titullin Kampion në këtë sezon.
Sot në pistën e “Spa Francorchamps” ishte e parashikuar xhiroja përshëndetëse në nder të Michael Schumacher për fitoren e parë në “Formulën 1” të legjendës së këtij sporti, me djalin e tij Mick Schumacher që parakaloi me po të njëjtën makinë të drejtuar nga i ati i tij, Benetton.
