Një ditë pas kapjes së të fortit të Selenicës, Tesilvan Basho i cili u kap në një bilardo, policia nuk është ndalur me operacionin.
Policia e Vlorës, reparti FNSH dhe Shqiponja kanë zhvilluar një mega-operacion gjatë natës, në disa fshatra të qytetit, ku kanë arrestuar disa persona.
Burime për “Dosja.al” bëjnë me dije se personat e arrestuar janë shpallur prej kohësh në kërkim për “trafik droge” dhe “kultivim”.
Tesi Basho akuzohet për vrasjen e dy prostitutave në Itali, arratisjen nga burgu italian, dhe vepra të tjera të rënda penale, teksa ishte pjesë e bandës së rrezikshme të Llanajve.
