Çdo minutë e më shumë që kalon po tensionohet situata pranë parlamentit, aty ku janë mbledhur protestues të shumtë në kuadër të protestës së 8-të kombëtare në vend.
Kreu i Partisë Demokratike Lulzim Basha fillimisht iu bashkua opozitarëve në bulevardin “Dëshmorët e Kombit” dhe më pas i ftoi protestuesit që të marshojnë drejt Parlamentit.
Protestuesit fillimisht arritën të thyenin gardhin metalik dhe më pas hodhën flakadanë, mirëpo pasi u hodh gaz lotsjellës nga policia, ata po detyrohen që të shpërndahen.
Update– Edhe Gazmend Bardhi ka kërkuar që protestuesit të tërhiqen. Pak më parë, pati edhe një thirrje nga presidenti Meta që liderët opozitarë të ndalojnë protestën dhe të shpërndajë paqësisht qytetarët për të shmangur çdo akt dhune apo incidenti të mundshëm.
Mësohet se aktualisht Basha ka dëgjuar thirrjen e presidentit Meta, duke tërhequr protestuesit në selinë e PD-së, ku pritet të mbyllë protestën e tetë kombëtare.
