Gjatë takimit me Policinë e Shtetit, kryeministri Edi Rama nuk ka harruar të akuzojë mediat për punën e tyre. Ai deklaroi se punonjësit e policisë janë në krye të detyrës, por media përmes zhurmës së saj po hedh poshtë arritjet e saj.
Kujtojmë se përdorimi i gjuhës thumbuese ndaj mediave është kthyer si një stil politik, duke tentuar të fsheh dështimet në qeverisjen e tij.
Kryeministri Edi Rama teksa është takuar me Policinë e Shtetit ka thënë se punonjësit e saj janë heronjtë e Shqipërisë. Duke iu referuar ngjarjes së rëndë në Fier, ku pas shkëmbimit të zjarrit me policinë, njëri nga grabitësit humbi jetën, Rama theksoi se ajo ishte përgjigjja e merituar për grabitësit.
Ai tha se Policia është në krye të detyrës, por sipas tij, kazani është bërë pengesë e vazhdueshme e policisë dhe qeverisë së tij.
“Disa kazanë zhurmëmëdhenj trajtuan duke sulmuar policinë për këtë çështje. Punonjësit e policisë së Shtetit janë heronj. T’i kundërpërgjigjesh policisë më armë, ai ishte çmimi që mund të merrni grabitësit. Koha kur komisarët e policisë vriteshin sistematikisht ka marrë fund, forcat e partive pastaj shkonin për të kryer homazhe te komisarët e vrarë. Policia është në gatishmëri për të zbuluar dhe luftuar çdo rast grabitjeje. Policia e Shtetit të renditet me dinjitet mes uniformave blu të BE, kjo është një rrugë e gjatë, por jam i bindur se ne do ta arrijmë këtë objektiv për policinë dhe Shqipërinë. Fotografitë që bënin xhiron e botës, që policët shtynin makina e tyre në rrugë. Policia patrullonte me armë pa fishekë”-tha Rama.