Një i ri është arrestuar, pasi në oborrin e banesës së tij i janë gjetur 14 kallëpe të dyshuara si lëndë plasëse e llojit tritol. Blutë e Tiranës kanë bërë të mundur kapjen e shtetasit Fatjon Leka, 22 vjeç, banues në “Fushë Arrëz”, Kamëz.
Gjatë kontrollit të ushtruar në banesën e këtij shtetasi, në oborr i është gjetur e fshehur një qese plasmasi, brenda së cilës kishte 14 kallëpe të dyshuara si lëndë plasëse e llojit tritol. Ato janë sekuestruar në cilësinë e provës materiale.
Materialet iu referuan Prokurorisë së Rrethit Gjyqësor, për veprën penale “Prodhim dhe mbajtje pa leje të armëve dhe municionit luftarak”.
