Policia në Fixhi po merr në pyetje kapitenin e një anijeje luksoze në pronësi të një oligarku rus, pasi ajo mbërriti në vendin ishull pa zhdoganim, raporton agjencia e lajmeve Reuters.
Mediat lokale në Fixhi raportuan se policia kishte sekuestruar superjahtin Amadea, në pronësi të miliarderit rus të sanksionuar Suleiman Kerimov, dhe kishte ndaluar ekuipazhin e tij.
Suleiman Kerimov është sanksionuar nga SHBA, Britania e Madhe dhe Bashkimi Evropian për pushtimin e Ukrainës nga Rusia.
Një zyrtar në Fixhi tha se kapiteni i anijes luksoze po merrej në pyetje se si erdhi në Fixhi pa zhdoganim.
Burimi i lajmit: BBC. Përshtatur nga Tirana Today
