Policia ka zbarkuar në qytetin bregdetar të Vlorës. Paraprakisht mësohet se Policia e Shtetit ka blinduar qytetin e Vlorës, dhe se po kontrollon hyrjet dhe daljet në brendësi të çdo lagjeje.
Kontrollet kanë disa ditë që kanë nisur, teksa policia po heton disa dosje që kanë lidhje me të zhdukurit në këtë qytet, gjithashtu edhe për ndalimin e shtetasve të shpallur në kërkim.
Deri tani nuk ka ndonjë rezultat konkret për ndonjë ndalim të mundshëm të ndonjë personi me precedentë penalë.
U bë një kohë e gjatë tashmë që uniformat blu kanë intensifikuar kontrollet, në goditje të individëve, apo grupeve kriminale.
Sektorët e rendit dhe policisë rrugore kanë zhvilluar kontrolle të detajuara në shumë qytete, e ndërsa sot janë ndalur në Vlorë.
