Policia ka ushtuar sot një kontroll në banesën vjehrri i Klement Balilit. Kontrolli është ushtruar në banesën e shtetasit Avni Veizit në Delvinë.
Ky aksioni i policisë është zhvilluar pas dyshimeve se në banesë fshihej vetë Balili, i cili njihet ndryshe me nofkën “Eskobari i Ballkanit” .
Uniformat blu nuk kanë mundur ta gjejnë të shumë-kërkuarin, por e ka kthyer përmbys banesën për të gjetur prova.
Avni Veizi në një bisedë telefonike për “Report TV”, ka deklaruar se do të bëjë padi ndaj policisë sepse ata i kanë kthyer shtëpinë përmbys. Ai deklaroi se nuk ka asnjë ndjeni se ku ndodhet Klement Balili. Veizi deklaron se jeton vetëm me bashkëshorten dhe për ta është shumë e vështirë rregullimi i shtëpisë pas bastisjes që i bëri policia.
Klement Balilit është shpallur në kërkim sepse dyshohet se është koka e trafikut ndërkombëtar të drogës nga Shqipëria, drejt vendeve të Bashkimit Evropian.
