Ndryshimet e sistemit zgjedhor kërkojnë një numër të madh votash që partitë e vogla të futen në parlament. Ndaj shumë prej këtyre partive kanë mbetur jashtë parlamentit. Me sa duket ka ardhur momenti i krijimit të një poli të tretë në politikën shqiptare.
Në Durrës, kryetari i Partisë Agrare Ambientaliste, Agron Duka, ka thirrur një tryezë me kryetarët e pesë partive. Ndoshta kjo mbledhje pasqyron “krijimin” e një poli të tretë në politikë, morën pjesë deputeti i PD-së njëherësh kryetar i LZHK-së, Dashamir Shehi, kryetari i FRD Bamir Topi, atë të LIBRA-s, Ben Blushin, kryetarin e PDK, Nard Ndoka dhe atë të PBDNJ Vangjel Dule.
Tryeza në fjalë është bërë publike nga vetë kryetari i PAA-së, Agron Duka, i cili me anë të një postimi në rrjetet sociale “Facebook” në të cilin shkruian;
“Sot në Durrës pata kënaqësinë të kisha Dashin, Bamirin, Benin, Nardin dhe Vangjelin për një bilanc të vitit që po mbyllet, por folëm edhe për çfarë na pret në 2018.”
Ndoka, Shehi dhe Dule janë mandatuar falë listës së Bashës por mesa duket “kontrata e bashkëpunimit” ka skaduar.
Kjo edhe për faktin se asnjë prej tyre nuk ishte prezent në protestën e djeshme të opozitës, protestë e cila u dirigjua nga PD, LSI por edhe kreu republikan Fatmir Mediu.
6 kryetarët e partive opozitare, siç duket nuk janë dakord me linjën që po mban PD-LSI dhe siç janë të gjitha gjasat nuk mbështesin linjën e ashpër politike të opozitës, kundër komunitetit ndërkombëtar.
