Pesë ditë pas zhdukjes, është gjendur trupi i pajetë i peshkatarit Gëzim Seitllari. Ky i fundit u shpall i zhdukur më datë 31 dhjetor të vitit 2018 në qytetin e Pogradecit.
Trupi i pajetë i 53-vjeçarit u gjet në breg të liqenit të Pogradecit, ndërsa polumbarët nuk mundën që të vijonin kërkimet sot për shkak të temperaturave të ulëta.
Trupi i 53-vjeçarit u nxor nga dallgët në breg të liqenit. Që prej datës 31 dhjetor Gëzim Seitllari rezultonte i humbur.
Si rezultat i motit të keq data 3 dhe 4 janar nuk bëri të mundur kërkimin e trupit pasi për polumbarët ishte e papërballueshme zhytja në liqen.
