Kryeministri i Kosovës Ramush Haradinajn pas vizitës së parë jashtë shtetit që do ta realizojë në Tiranë, pritet të vizitojë Podgoricën, ku do të diskutojë çështjen e demarkacionit të kufirit mes dy vendeve.
Qeveria kosovare shpreson që kjo marrëveshje mund të rinegociohet, përderisa ajo malazeze e sheh si kapitull të mbyllur, shkruan “Zëri”.
Haradinaj në opozitë pretendonte se me këtë marrëveshje të Demarkacionit Kosova i humb 8200 hektarë tokë, përderisa kufiri i Kosovës, sipas tij, do të duhej të jetë në Çakorr.
Pas marrjes së “timonit” të Qeverisë Haradinaj shkarkoi Komisionin për Demarkacion me në krye Murat Mehën dhe në vend të tij emëroi ish-deputetin e LDK-së, Shpejtim Bulliqi, i cili po ashtu e kundërshtonte një Marrëveshje të tillë të Shënimit të Kufirit me Malin e Zi.
