Ish-presidenti i Serbisë, Tomislav Nikoliç është përfshirë pasditen e sotme në një aksident rrugor.
Sipas mediave serbe, aksidenti është regjistruar rreth orës 15:50 në Lapovë. Makina me të cilën udhëtonte zyrtari raportohet të jetë goditur nga një automjet i ministrisë së Brendshme. Ky i fundit po ecte në drejtim të kundërt.
Bëhet me dije se nga përplasja nuk është lënduar asnjë person. Në lidhje me këtë ngjarje ka reaguar edhe vetë Nikoliç.
“Asgjë serioze, ata na lidhën me një makinë për të na tërhequr, unë do të shkoj të votoj”, tha ish-presidenti.
