Një 32-vjeçar nga Kosova ka humbur jetën mbrëmjen e djeshme, teksa po priste rezultatin për testin ndaj COVID-19.
Sipas njoftimit të Spitalit të Përgjithshëm të Pejës, viktima vuante edhe nga sëmundje të tjera shoqëruese. Ai ka qenë me diagnozë për koronavirus, por ka ndërruar jetë përpara se të dilnin përgjigjet e testit.
Njoftimi i plotë:
Në Spitalin e Përgjithshëm në Pejë aktualisht po trajtohen 70 pacientë me Covid-19. Nga këta pacient 26 pacientë janë në Oksigjeno terapi. 9 pacientë janë në gjendje të rëndë, ndërsa pacientet e tjerë janë në gjendje më stabile.
7 pacientë të infektuar me Covid-19 janë shëruar gjatë 24 orëve të fundit.
Nga personeli i Spitalit 5 Mjek, 11 Infermierë dhe 3 punëtor të shërbimit teknik janë të infektuar me Covid-19.
Një pacient i moshës 32 vjeçare nga Komuna e Pejës i shoqëruar edhe me sëmundje tjetër të rëndë, fatëkeqësisht ka vdekur mbrëmë. I ndjeri ka qenë me diagnozë Covid-19, ka kryer testin por ende nuk ka pasur rezultat.
Spitali i Përgjithshëm në Pejë shpreh ngushëllime familjarëve të të ndjerit.
