Një 23-vjeçare nga Meksika, ka rënë nga ballkoni gjatë momentit që po bënte joga, duke thyer kështu plot 110 kocka.
Alexa Terrazas po mbahej tek mbrojtëset e ballkonit me kokë poshtë, kur ra nga një lartësi prej 24 metrash nga kati i tretë të apartamentit të saj në San Pedro, Meksikë. Ishte shoqja e saj e cila kapi momentin Terrazas ishte e varur me kokë poshtë në mbrojtëset e ballkonit, pak sekonda para se të rrëshqiste dhe të binte me kokë në tokë.
Sipas mediave të huaja, ngjarja ndodhi rreth orës 13:00 të së shtunës dhe raportohet se vajza theu 110 kocka nga rënia. 23-vjeçarja i është nënshtruar një operacioni prej 11 orësh dhe raportohet se është në gjendje kritike për jetën.
Terrazas ka thyer dy këmbët, krahët si edhe ka thyerje eshtrash në legen dhe kokë. Gjithashtu raportohet se studentja mund të mos jetë në gjendje të ecë për tre vjet pasi mjekët u detyruan të ngjisnin këmbët e saj të thyera.
