Studentët kanë vendosur përshkallëzimin e protestës, teksa ende nuk kanë arritur të marrin miratimin e 8 kërkesave nga kryeministri Rama.
Teksa kanë qëndruar të gjithë paraditen para Kryeministrisë, ata kanë vendosur të ndahen në 3 pika kyçe, duke paralajmëruar edhe bllokimin e rrugëve kryesore në Tiranë.
Një grupim i studentëve është nisur drejt Zogut të Zi, ndërsa një tjetër do të qëndrojë në kryqëzimin përballë Bankës së Shqipërisë, pra te zona e njohur si Dollari. Ndërsa grupi tjetër do të vijojë të qëndrojë para Kryeministrisë.
