Me përfundimin e seancës plenare, studentët kanë filluar të largohen nga Kuvendi, për t’u zhvendosur në një tjetër vend.
Ata kanë zgjedhur Kryeministrinë për të vijuar me protestën e tyre. Aktualisht, studentët po marshojnë drejt Kryeministrisë ku kërkojnë plotësimin e 8 kërkesave të tyre, por pa dialoguar me Ramën.
Ky i fundit tha sot në seancën plenare se është i gatshëm t’i plotësojë kërkesat, por çështja nuk është vetëm “çfarë” por edhe “si”. Kjo është arsyeja sipas tij që kjo zgjidhje bëhet vetëm nëpërmjet dialogut.
