Pasi policia e Tiranës shpalli në kërkim si autor të dyshuar të vrasjes së Jurgen Kurtit, 33-vjeçarin Dervis Arapi, e ëma e këtij të fundit, znj Vjollca Arapi ka përcjellë një reagim në lidhje me këtë ngjarje.
Në një lidhje telefonike për “News 24”, ajo kërkoi vetëm drejtësi, ndërsa tha se ‘po i shkatërrojnë jetën’. Dervis Arapi është djali i Agim Arapit, tregtarit të vrarë në prill të 2017, ku i dyshuar ishte dhe Kurti.
Policia ka referuar vrasjen në prokurori për gjakmarrje. Dervis Arapi rezulton në sistemin TIMS se nuk ndodhet në Shqipëri që prej Janarit. Por znj Vjollca tha se djali i saj nuk ka lidhje me vrasjen, ndërsa i ka bërë thirrje ministrit Lleshaj që të reagojë.
