Një grua vdiq pasi u godit në kokë nga një top gjatë një ndeshje të Los Angeles Dodgers vitin e kaluar. Kjo ishte vdekja e parë e tillë në Major League Baseball në 50 vjet, raporton rrjeti sportiv ESPN.
Vdekja e 79-vjeçares Linda Goldbloom, tifoze e Los Anxhelos, më 29 gusht, nuk ishte raportuar më parë.
Goldbloom u godit nga një top bejsbolli pas një goli më 25 gusht në stadiumin “Dodger” midis Los Anxhelos dhe San Diego Padres. Ajo vdiq në spital katër ditë më vonë. Raporti mjekoligjor tregoi se vdiq për shkak të “hemorragjisë akute nga goditja e fortë”.
The Dodgers nuk ka bërë asnjë koment publik në atë kohë, por dhanë një deklaratë për ESPN. “Ne ishim thellësisht të trishtuar nga ai aksident tragjik që i ndodhi znj. Goldbloom”, tha në deklaratë ekipi.
“Çështja është zgjidhur midis Dodgers dhe familjes Goldbloom”. Tifozët e bejsbollit shpesh plagosen nga topat e fortë që vijnë nga fusha e lojës, por vdekjet ishin të rralla. E fundit ishte në vitin 1970, po në Stadiumin Dodger, ku humbi jetën një 14-vjeçar.
Ekipet e Major League Baseball vendosën të përdornin rrjetave mbrojtëse për të mbrojtur tifozët nga topat.
Biletat e bejsbollit paralajmërojnë tifozët për rreziqet që mund tu kanosen nga topat dhe i nxisin ata të qëndrojnë të vëmendshëm në çdo kohë.
ESPN tha se Goldbloom kishte marrë pjesë në lojë me bashkëshortin e saj, Erwin, për të festuar përvjetorin e 59 të dasmës. TIRANA TODAY
