Kryeministri Edi Rama ka zgjedhur Universitetin e Politeknikut për të zhvilluar një takim me studentë të Fakultetit të Arkitekturës dhe Urbanistikës.
Që në nisje ka pasur një përplasje mes studentëve dhe Ramës, teksa në fillim e mori fjalën një student e më pas foli Rama. Studentët janë ankuar, pasi kanë thënë se Rama po e zgjaste shumë.
Studenti: Pagesat janë të mëdha, s’kemi asnjë laborator. Jemi studentë arkitekture, vetëm si shkollë e tillë s’më duket. Administrimi i shkollës është zero. Tani kemi marrë evsh që paskemi një administrator që menaxhon buxhetin. Nuk dimë se ku shkojnë lekët tona.
Rama: Do marrim bashkë angazhime konkrete se laboratori psh nuk është te 8 pikat. Kjo nuk është një gjëegjëzë. Duhet të diskutohen detajet, prandaj duhet dialogu. Administratori nuk vendos as për buxhetin, as se si ndahet ai. Buxhetet, në bazë të ligjit, që kundërshtohet pa u lexuar, fillojnë diskutohen nga departamentet, pastaj shkohet te rektorati dhe te senati. Ka një senat ku studentët janë të përfaqësuar. Mendoj që kërkesat burojnë nga shqetësime të drejta, nuk e them se keni dalë në protestë. Dialogun e kërkoj sepse janë të drejta. Senati duhet të funksiononte. Meqë u përmend këtu tarifa, patjetër që do acarohem nëse më del një letër e më kërkojnë lekët. Është një problem komunikimi. Të gjitha këto, kalojnë nga struktura organizative dhe drejtuese e universitetit. Qofte ke daja, nuk ka në këtë sistem që kemi zgjedhur.
Flasin studentët.
Rama: “Mos me ndërprit fjalën”
Studentët: “Po e zgjat shumë”.
Rama: “Nqs i keni dëgjuar, flisni juve. Unë po ju dëgjoj, s’po flas fare. Edukatën nuk e përmbysni dot ju as me protesta dhe as duke bërë korin.”
Studentët: “E kemi treguar edhe në protesta”.
Rama: “Kaq di të them unë”./ TIRANA TODAY
