Kryeministri është nxehur keq teksa ka folur në takimin me studentët që po mbahet në universitetin «Ismail Qemali» në Vlorë.
Rama nuk u kursye as me fjalorin, teksa tha se studentët me sjelljen e tyre po e çojnë protestën për lesh.
«Ju po e çoni protestën për lesh që ta themi qartë. Dua që gjërat që janë ngritur e shumë të tjera, të vendosen e të ndiqen në proces. Apo ti je ai që rri me megafon e thua “Thellohu, thellohu”. I kemi dhënë universitetit autonomi. Si t’ia heqim? Dmth të kthehemi në komunizëm prapë?
E keni dëgjuar edhe këtë që ky bën monolog. Po ju them merr fjalën dhe thuaj çfarë shqetësimi ke.
Më pas fjalën e mori një studente, e cila i kërkoi Ramës plotësimin e 8 pikave:
“Isha kurioze të dija se çfarë do diskutohej prandaj nuk u largova me pjesën tjetër. Në universitetin e Vlorës janë mbyllur 5 degë, si e shpjegoni këtë? Plotësoni pikat, mjaft me komentet që si t’i përmbushim. Bëhet ose jo, është e thjeshtë”./ TIRANA TODAY
