Kanë mbetur më pak se 15 minuta nga skadimi i afatit që studentët i kanë vënë qeverisë për miratimin e 8 kërkesave të tyre.
Në afrim të përfundimit të këtij afati, studentët kanë vijuar thirrjet për plotësimin e kërkesave.
“Plotësoni 8 kërkesat”, “Studentët janë të bashkuar”, “Jo politikë” dhe “Ne do rrimë këtu”, janë këto thirrjet e studentëve që kanë rrethuar godinën e Ministrisë së Arsimit.
Por, çfarë do të ndodhë pas skadimit të afatit?
Fillimisht studentët kanë qenë të dyjëzuar nëse do zhvendoseshin në Kryeministri, për të vijuar grevën e urisë, apo do të qëndronin para Ministrisë së Arsimit. Por, sipas informacioneve paraprake të Tirana Today, studentët do të vijojnë të qëndrojnë para Ministrisë së Arsimit, ku do të qëndrojnë deri në plotësimin e tetë kërkesave të tyre.
Kujtojmë se Rama ka kërkuar të takohet me ta për të dialoguar, pasi sipas tij nuk mund të miratohen 8 kërkesa pa u diskutuar më parë./ TIRANA TODAY
