Shumica e plehrave që ndotin brigjet kroate mbërrijnë nga vende si Shqipëria dhe problemi sipas autoriteteve vendase, është i vazhdueshëm.Në muajin tetor, thasë të tëra me mbeturina sidomos plastike, u hoqën nga brigjet e ishullit të Lastovës, më i fundit i shpallur “park natyror” në vend, shkruan dalmacijadanas.hr.
Për shkak të rrymave detare, problemi i mbetjeve detare ne Kroaci përsëritur pa reshtur e dallgët e ngritura gjatë stuhive apo erërave të forta e përkeqësojnë edhe me shume situatën. Ndodh shpesh që pas një përkeqësimi të tillë të motit, zona të tëra të bregdetit të mbulohen nga mbeturinat që pluskojnë mbi ujë, shumica shishe plastike.
Katër vjet më parë banorët e Raguzës ankoheshin se deti i ndotej prej mbetjeve nga Shqipëria që përfshinin deri edhe produkte farmaceutike apo këpucë. Kombinimi me erërat e Jugut gjatë sezonit të dimrit i zhvendos mbetjet shqiptare me shpejtësi drejt bregdetit kroat.
