Skuadra e Skënderbeut ka bojkotuar stërvitjen, kjo pasi kanë tre muaj pa marrë pagat. Lojtarët e kampionëve në fuqi, nuk kanë pranuar të dalin në stërvitje, kjo për shkak të rrogave të prapambetura.
“Panorama Sport” raporton se futbollistët ia kanë bërë të qartë stafit teknik, se kërkojnë një sqarim nga presidenti Takaj, për mospagesën prej tre muajsh. Në të kundërt, nuk do të stërviteshin. Teksa situata nuk ka marrë zgjidhje, ata kanë vepruar sikundër kishin paralajmëruar.
Trajneri Orges Shehi është parë të bisedojë me mesfushorin Gjergji Muzaka, e më pas skuadra është shpërndarë. Një situatë kritike, por mbetet për t’u parë tashmë reagimi i klubit.
