Reali i Madridit ka nisur një fushatë kundër VAR-it. Sipas klubit madrilen, Video Asistant Referee nuk po përdoret siç duhet, madje e kundërta, po penalizon “Los Blancos”. Gazeta spanjolle “AS” ka zbuluar një skandal me arbitrin e takimit të djeshëm Real Madrid-Real Sociedad.
Munuera Montero ishte arbitri i sfidës ku skuadra e Solarit u mund në shtëpi 2-0, ku u kontestua për një penallti që nuk akordoi, madje as nuk shkoi për të parë VAR-in.
Arbitri Montera në një video të publikuar nga “AS” dallohet qartë se ku ka qenë në dhomën e VAR-it në një ndeshje të Realit kundër Eibarit, ka festuar një gol të pësuar nga “Los Blancos”. Për këtë arsye klubi mbretëror ka nisur fushatën kundër VAR-it dhe gjyqtarit Montero.
