Për shkaqe ende të paqarta, një plagosje ka tronditur një tjetër familje shqiptare. Ka qenë vjehrri që ka shkuar në shtëpinë e dhëndrit, dhe e ka plagosur me thikë. Ai nuk e ka lënë me kaq, por ka kanosur edhe bashkëshorten e tij.
Një vizitë e prindërve në shtëpinë e vajzës së martuar, ka përfunduar në përdorim thikash.
Ngjarja ka ndodhur në Berat. Behar K, 51-vjeç, banues në Zhitom të Poliçanit ka goditur me thikë dhëndrin në shtëpinë e tij, shtetasin me inicialet O.Xh, 30-vjeç.
Pasi ka plagosur të riun, ai ka kanosur dhe bashkëshorten, shtetasen M.K, 51-vjeçe. Lidhur me këtë rast, policia ka bërë të mundur prangosjen e autorit, ndërsa materialet i kaluan Prokurorisë së Rrethit Gjyqësor Berat, për veprën penale “Dhuna në familje”.
