Një përleshje kaotike shpërtheu mes grave në një shkollë fillore në Gela të Italisë. Videoja tregon dy gra duke u rrahur keq me njëra-tjetrën.
Madje gjatë incidenti ata kanë përplasur një vogëlushe e cila ishte veshur si engjëll, ndërsa po mbahej festa e Krishtlindjeve.
Por, një prind i pranishëm në festë e ka ngritur menjëherë vogëlushen nga dyshemeja.
Në video ju mund të shikoni sherrin mes dy grave, të cilat thuhet se ishin nëna të fëmijëve të shkollës. Ndërsa, nga incidenti të gjitha karriget në sallë shikohet të jenë kthyer përmbys.
Më tej një mësuese përpiqet të qetësojë situatën e krijuar mes dy zonjave por më kot. Dy nënat thuhet se janë zënë për vendin ku po qëndronin, pasi secila donte të filmonte fëmijën e saj në festë.
Ndërsa mediat lokale shkruajnë se prindërit e tjerë ishin detyruar të largoheshin duke marrë edhe fëmijët. Policia ishte thirru në vendngjarje dhe raportohet se të dy nënat kishin mbetur të lënduara nga sherri./Përshtati: Tirana Today/
