Të enjten që lamë pas është mbajtur një konferencë në Vjenë. Ajo iu kushtua politikës së jashtme dhe sigurisë së BE-së.
Por delegacioni serb dhe ai spanjoll i kanë braktisur punimet e kësaj konference. Shkak është bërë Kosova.
Delegacioni serb, i kryesuar nga kryetari i komisionit Zarko Obradoviç, u largua nga konferenca. Atyre u është bashkuar edhe delegacioni parlamentar spanjoll. Ata janë larguar pasi nuk u ka pëlqyer mënyra e përfaqësimit të Kosovës në këtë konferencë.
Delegacionet serbe dhe spanjolle u larguan nga zhvillimet e konferencës në shenjë proteste. Shkak ishte bërë , fakti se Prishtina ishte përfaqësuar me flamurin me emrin Kosovë. Një lajm i tillë është bërë i ditur nga Asambleja Kombëtare Serbe.
Konferenca u mbajt në kuadër të Presidencës gjashtëmujore të Austrisë mbi Këshillin e Bashkimit Evropian.
Përpara Konferencës, delegacioni serb dërgoi një kërkesë për përfaqësuesit e organeve të përkohshme nga Prishtina. Ata i kërkonin që të paraqitej në përputhje me Marrëveshjen Rajonale të Përfaqësisë, pasi do ishte në listën e pjesëmarrësve. Edhe delegacion nga Parlamenti i Mbretërisë së Spanjës kishte të njëjtat pikëpamje.
Si organizator, Parlamenti i Republikës së Austrisë nuk donte të pranonte kërkesën e dy delegacioneve, dhe kështu përfaqësuesit e Asamblesë Kombëtare të Republikës së Serbisë dhe të Parlamentit të Mbretërisë së Spanjës u larguan nga sesioni./TIRANA TODAY/
