Një punonjës i policisë në Komisariatin e Peqinit është vetëplagosur me armë zjarri mbrëmjen e sotme.
Ai është paraqitur në spitalin e Fierit dhe ndodhet nën kujdesin e mjekëve.
”Sot rreth orës 21:20, në spitalin e Fierit, ka shkuar i plagosur me armë zjarri në këmbë në rrethana ende të paqarta, punonjësi i policisë K. L., 39 vjeç, banues në Fier, (punonjës i Komisariatit të Policisë Peqin), i cili ndodhet nën kujdesin e mjekëve.”, informon policia.
Punonjësi i policisë paraprakisht ka deklaruar se është vetëplagosur aksidentalisht.
Grupi hetimor në bashkëpunim me SHÇBA dhe Prokurorinë po punojnë për sqarimin e rrethanave të ngjarjes.
