Sarandë, një 16-vjeçare është mbytur në plazhin e Ksamilit. Ngjarja ka ndodhur përballë “Tre Ishujve”, dhe ndërkohë policia ka mbërritur në vendngjarje. Viktima është shtetase e huaj, përkatësisht nga Rusia.
Informacioni paraprak nga policia
Më datë 21.07.2017, rreth orë 13:00, njoftohemi nga shërbimet e policisë kufitare se në Ksamil është mbytur një shtetase.
Policia është afruar menjëherë në vendngjarje dhe ka konstatuar se tek vendi i quajtur ”3 Ishujt” Ksamil, Sarandë, është gjetur e mbytur një vajzë e cila pas hetimeve paraprake dyshohet të jetë shtetase Ruse, rreth moshës 16-17 vjeçare.
Po punohet për gjeneralitetet e plota. Trupi i saj po dërgohet drejt Spitalit Sarandë për veprimet e mëtejshme hetimore.
Sipas të dhënave të fundit, mjekët kanë konstatuar dy plagë në trupin e viktimës, një në trup dhe një në kokë. Ajo mund të jetë përplasur me shkëmbinj ose me motorr uji.
