Ministria e Arsimit dhe Sportit ka evidentuar raste të tjera të punonjësve që mbajnë pozicione drejtuese, të cilët në kundërshtim me ligjin, janë angazhuar në aktivitete të fushatës zgjedhore.
Zyra e shtypit të Ministrisë, bën me dije se për të gjithë rastet ka fakte të dokumentuara dhe ka bërë kallëzim pranë organit të prokurorisë në rrethet përkatëse.
Konkretisht bëhet fjalë për:
-Përgjegjësi i Zyrës Arsimore Librazhd, znj. Fatbardha Qatja
-Përgjegjësi i Zyrës Arsimore Gramsh, z. Xhevit Dyrmishi
-Përgjegjësi i Zyrës Arsimore Bulqizë, znj. Bedrie Manjani
-Drejtori i Drejtorisë Arsimore Rajonale Lezhë, z. Bardhok Pula
MAS shprehet e gatshme për të bashkëpunuar me organet kompetente, duke vlerësuar çdo provë të depozituar në trajtimin me profesionalizëm të gjitha rasteve të përfshirjes së paligjshme të administratës shtetërore në fushatën zgjedhore.
