Vllaznia e Ernest Gjokës është duke bërë surprizën në “Zeqir Ymeri”, përballë Kukësit kampion. Shkodranët janë duke firuar takimin në këtë pjesë të parë me dy gola të shpejtë nga Atsina. Ndjehet dora e Gjokës në këtë ndeshje të dytë që qëndron në pankinën e kuqebluve, pasi ajo që po shprehin në fushë i kishte munguar Vllaznisë në këtë pjesë të parë. Ndërsa nga ana tjetër Kukësi është ndëshkuar shumë shpejt dhe ka humbur kontrollin e ndeshjes, por atë diferencë prej dy golash e ka shkurtuar Guri,për të hapur ndeshjen dhe për të shpresuar në një rezultat pozitiv në pjesën e dytë.
Sfida mes Kukësit dhe Vllaznisë ka nisur mjaft mirë për miqtë të cilët pas një pasigurie të portierit Koliçi, gjejnë golin e parë që në minutën e 7’ me Atsinën. Goli i ka surprizuar verilindorët të cilët nuk po mundeshin të organizoheshin në fushë. Kjo bëri që në minutën e 20’ Vllaznia të gjente golin e dytë, sërish me italianin Atsina. Ai godet drejt portës nga jashtë zone, por Koliçi pret topin që mbetet në lojë, Hasani e kontrollon në zonë dhe pason sërish për Atsinën i cili e ka të lehtë ta dërgojë në rrjetë. Pesë minuta më vonë do të vijë edhe reagimi i kuksianeve me gurin, i cili godet mjaft mirë me kokë topin e ardhur nga goditje dënimi të ekzekutuar nga Kale dhe e dërgon në rrjetë.
Pjesa e parë është mbyllur me rezultatin 1-2 në favor të Gjokës, i cili është duke bërë një rikthim të bujshëm në Kukës, ku një vit më parë ka fituar edhe titullin kampion. Kukësi me këtë rezultat thellon diferencën me kryesuesit e Skënderbeut në -6 pikë, ndërsa Vllaznia parakalon Teutën, dhe kap kuotën e 8 pikëve.
Kukësi: Koliçi, Idrizi, Alla, Hoxha, Rrumbullaku, Krkotiç, Et’hemi, Kale, Bakaj, Guri, Alijev
Trajner: Mlladen Milinkoviç
Vllaznia: Selimaj, Gocaj, Pjeshka, Orelesi, Marku, Krymi, Tafili, Hasani, Lika, Çinari, Atsina
Trajner: Ernest Gjoka
Gjyqtar: Laver Alla
