Ish-gjenerali kroat Slobodan Prajlak, i cili piu sot helm gjatë seancës në Hagë pasi u shpall fajtor, ka ndërruar jetë. Lajmi bëhet i ditur nga Associated Press, që citon një televizion publik në Kroaci.
Ndërkohë, zëdhënësi i gjykatës Nenad Golcevski, kur u pyet nga AP nëse mund të konfirmonte vdekjen e tij, tha: “Nuk kam asnjë informacion për këtë çështje”.
Prajlak, 72 vjeç, piu një shishe të vogël me helm pasi gjykatësit e apelit konfirmuan dënimin e tij me 20 vjet burg, si i përfshirë në një krime lufte.
72-vjeçari është një nga gjashtë krerët politikë dhe ushtarakë kroatë boshnjakë, të cilët me përkrahje të konsiderueshme nga Kroacia fqinje u kthyen kundër ushtrisë boshnjake gjatë luftës së 1992-1995, duke u përpjekur për të krijuar një rajon kroat etnikisht homogjen brenda Bosnjës me forcë, ashtu si serbët boshnjakë bënë në zona të tjera me ndihmën e Serbisë.
Para luftës, Praljak drejtoi në teatro të ndryshme, duke përfshirë edhe Mostarin, ku ai u akuzua përfundimisht si përgjegjës për shkatërrimin e Urës së Vjetër në Mostar, një nga monumentet më të mrekullueshme otomane në Ballkan dhe një xhevahir i trashëgimisë islame të Bosnjës.
