Agim Cana, i ati i ish-kapitenit të kombëtares kuqezi, Lorik Canës u bë “viral” pas akuzave të bëra pas ndeshjes TREPÇA ‘89 – VËLLAZNIMI, e luajtur më 1 qershor 2019, në stadiumin “Fadil Vokrri“ të Prishtinës.
Fjalimi i tij para lojtarëve dhe stafit teknik në dhomat e zhveshjes, teksa iu jepte kurajo të tijve dhe hidhte akuza të rënda ndaj gjyqtarëve e FFK, duke përmendur edhe trukime e shit-blerje ndeshjesh, i ka kushtuar pezullimin 6-mujor. Ai është presidenti i kuqezinjve të Gjakovës. Organet disiplinore të federatës ndëshkuan edhe Blerim Vulën e Ahmet Morinën.
https://youtu.be/5751brB9FSU
Ja vendimi i plotë:
AGIM CANA; kryetar i KF “VËLLAZNIMI“ nga Gjakova, në procedurë të hapur disiplinore nga ana e komisionit për shkelje të kodit të etikës sportive, ku pas përfundimit të ndeshjes përcaktuese për IPKO-SUPERLIGË , kategoria e seniorëvë; TREPÇA ‘89 – VËLLAZNIMI, e zhvilluar me datë 01.06.2019 në stadiumin “Fadil Vokrri“ në Prishtinë, fton mediat në zhveshtoret e KF “Vëllaznimi“ nga Gjakova, prononcohet duke thënë deklarata ofenduese, fyese dhe të pa bazuara për futbollin e Kosovës, në prezencë të futbollistëve dhe mediave.
Ky veprim i tillë është në kundërshtim me kodin e etikës sportive. Bazuar në raportet zyrtare si dhe incizimet televizive, konform Rregullores disiplinore neni 59 paragrafi 1 pika 2 (shpifje dhe përhapje e të pavërtetave); DENOHET; me ndalesë të kryerjes së funksionit zyrtar në klub, në kohëzgjatje për; 6 (gjashtë) muaj për të gjitha ndeshjet e organizuara nga ana e Federatës së Futbollit të Kosovës.
