Barcelona ka shpëtuar humbjen në minutat e fundit në derbin lokal me tifozin më të urryer, Esapnyol. Një barazim në minutat e fundit nga Pique bëri që ndeshja të mbyllej me rezultat 1-1 ndeshja e javës së 22 në La Liga.
Pjesa e parë e takimit i takoi katalanasve, të cilët rrezikuan disa herë portën e vendasve, por pa pasur sukses të gjejnë golin. Rastet më të mira në 45 minutat e parë ishin ai i Philippe Coutinhos ku goditi shtyllën dhe Luis Suarezit, por që asnjëri nuk e gjeti rrjetën. Ndeshja është shoqëruan nga reshje të shumta shiu dhe në disa raste fusha ishte e mbuluar nga uji ku topi kishte vështirësi të qarkullohej.
Në pjesën e dytë, Valverde vendosi të fus në lojë Lionel Messin dhe Sergi Roberton, por kjo nuk rezultoi e qëlluar pasi shumë shpejt pësuan gol. Në minutën e 66’ janë vendasit që gjejnë rrugën e rrjetës me anë të sulmuesit Gerard Moreno, i cili shënoi gol mjaft të bukur për 1-0 pas asistimit të Sergio Garcia.
https://www.dailymotion.com/video/x6e8fdo#tab_embed
Në vazhdim të lojës, gjiganti katalunas rriti presionin ndaj kundërshtarit dhe gjeti golin e barazimit me anë të mbrojtësit Gerard Pique, i cili barazoi me kokë në minutën e 83-të dhe vulosi rezultatin përfundimtar të takimit.
https://www.dailymotion.com/video/x6e8g2b#tab_embed
Pas këtij barazimi, Barcelona vazhdon të kryesojnë tabelën me 58 pikë, ndërsa rivalët e tyre renditen në pozitën e 15-të me 24 pikë. Në ndeshjen e ardhshme, Barcelona luan në shtëpi ndaj Getafes, teksa Espanyoli udhëton te Celta Vigo.
