Të dielën Moto GP do të zhvillojë Çmimin e Madh të Argjentinës. Në këtë event nuk do të marrë pjesë Mark Markez, pas problemit me diplopinë. Atij i duhet që të vazhdojë terapitë e trajtimit. Lajmin e ka dhënë vetë Honda, ku bën të ditur se piloti ka përmirësime pas problemit me diplopinë, por nuk është ende gati për të zbritur në pistë.
“Markez ka shfaqur shenja të dukshme përmirësimi në nervin e katërt të syrit të djathtë, të cilin e dëmtoi gjatë rrëzimit në Indonezi. Por piloti ende nuk është shëruar plotësisht, kështu që duhet të vazhdojë terapitë e trajtimit”, shkruhet ndër të tjera në deklaratën e Hondës.
Kjo është hera e tretë që Mark Markez vuan nga diplopia, problem që i shkakton shikim dopio.
Simptomat e diplopisë
vizion i dyfishtë në sy;
disorientimi në hapësirë (problemet me përcaktimin e vendndodhjes së objekteve);
marramendje.
