Petro Koçi ka shkrirë partinë e tij për t’u bashkuar sërish me Partinë Socialiste.
Sipas tij, vendimi për të shkrirë Partinë Socialiste të Vërtetë 91 është marrë për shkak të mos regjistrimit të koalicioneve për zgjedhjet e 18 qershorit.
Koçi thotë se nëse PSV91 hyn e vetme në zgjedhje, atëherë dëmtohet PS-ja dhe do reflektohej në të kundërt të garancisë të së drejtës për propozimin e Kryeministrit.
Më poshtë reagimi i Petro Koçit:
- PSV 91 nuk u regjistrua për të marrë pjesë në zgjedhjet e 18 Qershorit për arsye të taktikës elektorale.
- Në rrethanat e krijuara pas pamundësisë së regjistrimit të koalicioneve parazgjedhore pjesëmarrja e shumë subjekteve të majta socialiste në proces e dëmton rezultatin elektoral të forcës së parë politke PSSH dhe punon në të kundërt të garancisë të së drejtës së propozimit të kryeministrit.
- Pra kur subjektet regjistrohen secila vetmas atëherë vota duhet të përqendrohet tek subjekti kryesor që të fitohet e drejta e kryeministrimit.
- Nisur nga kjo logjikë çdo votë për PSV 91 do të përqendrohet te PSSH.
- Nëse në 19 Prill do ishin regjistruar koalicionet parazgjedhore atëherë do të duheshin sa më shumë subjekte politike në krah të PS për të ushqyer fitoren e sigurt teëzgjedhjeve.
- E gjithë kjo ka kuptim duke llogaritur që PD do të mund të bëhet pjesë e procesit dhe të heqë dorë nga vetëperjashtimi.
Falënderoj kryesuesit e listave me kandidatë për deputetë të PSV 91 në qarqet Tiranë, Durrës, Elbasan, Lezhë, Korçë etj për potencialin, gadishmërinë, punën përgatitëse, bashkëpunimin dhe mirëkuptimin e dëshmuar.
