Kryetari LSI-së, Petrit Vasili ka dalë në një konferencë për shtyp, ku ka falendëruar 230 mijë votuesit e LSI-së dhe ka pranuar rezultatin e zgjedhjeve. Vasili ka siguruar që LSI do të jetë opozita e vërtetë e vendit, që i ka munguar shqiptarëve, si dhe akuzoi se policia realizoi një skenar për goditjen e LSI-së.
FJALA E VASILIT:
Falendëroj pafundësisht votuesit shqiptarë, mijëra të rinj që ishin një nga forcat themelore tonat në këtë fushatë të vështirë, njëkohësisht mijëra e mijëra burra e gra që votuan dhe i ngarkuan LSI-së një mision historik që ka të bëjë me bërjen e një opozite të vërtet në këtë vend. Zgjedhjet e 25 qershorit, për shkak të strategjisë së terrorit, 230 mijë vota ishin goditja më e rëndë që mund t’i jepej kësaj strategjie.
Pas 4 vitesh, mijëra shqiptarë do kenë më në fund zërin e tyre në parlament shqiptar.
Zëri i kësaj opozite të re do bëjë moralisht strategjinë e drogës në këtë vend dhe parave të fëlliqura që rrjedhin prej saj, të një vendi që kërkon të çlirohet nga dhuna e një shteti që u pi gjakun dhe të gjitha këto misione të mëdha, do të ketë një opozitë të vërtetë, jo të kapur, jo të blerë që ka vetëm 1 mision: të jetë zëri i qytetarëve.
Për sa i përket zgjedhjeve që kanë qenë më të shëmtuarat, i kemi dokumentuar por nuk do lodhemi t’ia dokumentojmë nga afër çdo shqiptari. Kryesore është që çdo shqiptar të dija çfarë ka ndodhur dhe ta njohë këtë strategji nga policia e drogës dhe qytetarët do jenë të qetë që zëri i tyre do përfaqësohet nga një grup parlamentar që përfaqësohet nga disa të rinj. Rezultate e LSI janë të larta dhe lidhen drejtpërdrejt me fatet e njerëzve në Shqipëri.
230 mijë vota, mesazh i madh që ngarkon LSI, e cila do luftojë për çlirimin nga bandat nacional rilindase që realizuan një skenar me funksion goditjen e LSI-së. Shqiptarët duan opozitë të vërtetë dhe e votuan atë. Që nga sot e tutje, ne do ecim pa kthim në këtë rrugë në një luftë të papajtueshme me këdo që ka dëshirë që gjërat në Shqipëri të mbulohen. Nuk do ketë më kompromise as të natës as të ditës, do të ketë një opozitë të hekurt e ballore dhe qytetarët do kenë zërin e tyre të opozitës që është manipuluar dhe shitur./ Tirana Today
