Petrit Vasili ka mbajtur konferencën e parë për shtyp, si kryetar i LSI-së.
Ai sqaroi edhe njëherë qëndrimin e kësaj partie, sa i takon ngërcit politik, ndërsa e cilësoi propozimin e Ramës si një variant realist.
“LSI siç e cituat nuk ka qenë pjesë e këtij negocimi mes Ramës dhe Bashës me stafet respektive, jemi njohur sigurisht me variantin e zgjidhjes, në vlerësimin tonë ka qenë një variant realist për një zgjidhje të krizës politike, i dha garanci të rëndësishme PD-së për t’u bërë pjesë e procesit dhe jo rastësisht propozimin për t’ju drejtuar Partive Popullore ia ka bërë Meta.Kemi vënë në dispozicion gatishmërinë tonë, sakrificën për të pasur zgjedhje të lira e të ndershme. Ne nuk i kemi të lidhur të ardhmen e vendit me fatin tonë qeveritarë, por çfarë produkti politik i japim vendit”, tha Vasili.
