Ministri i drejtësisë, Petrit Vasili, shprehet optimist lidhur me takimin që po zhvillohet në Presidencë, mes Ramës dhe Bashës.
Vasili thotë se ky dialog është i vonuar, ndërsa shton se opozita do të hyjë në zgjedhje dhe takimi do të mbyllet me një kompromis mes palëve.
I pyetur lidhur me takimin që po zhvillohet në Presidencë, Vasili tha: “Më së fundmi futemi në atë që politika ka krijuar, bashkëbisedimin. Në politikë nuk i shmangesh dot dialogut, nuk mund të ndodhë ndryshe. Politika nuk bëhet duke qëndruar nëpër llogore. Populli kërkon një qeverisje të drejtë. Mendoj se dialogu është i vonuar madje.
Mendoj se do të jetë një negocim jo i lehtë. Kjo për faktin se ka patur replika në distancë. Dialogu është me rëndësi. Fillimi i dialogut është pozitiv. Jam optimist se do të ketë një formulë kompromisi”, shtoi ai, teksa ishte i ftuar në “Këndin e Ekselencës”, në studion e “News24”.
