Një lajm i dhimbshëm është raportuar ditën e sotme nga Portugalia. Futbollisti 24-vjeçar Aleks Apolinario ka ndërruar jetë, pas sulmit në zemër që pësoi disa ditë më parë, teksa ishte duke luajtur me skuadrën e tij.
24-vjeçari u shemb në fushë gjatë ndeshjes mes Alvercës dhe Almerias në Ligën e Tretë të Portugalisë. Ai u transferua me urgjencë në spital, teksa nuk arriti të fitonte betejën me jetën.
Lajmi për ndarjen nga jeta të tij u konfirmua nga klubi portugez i Alvercës nëpërmjet një njoftimi zyrtar.
“Me keqardhje të thellë ju informojmë se këtë mëngjes, sipas informacionit të siguruar nga stafi mjekësor i Spitalit Villa Franca de Cira, futbollistë ynë Aleks Apolinario vdiq. FC Alverca do të sigurojë të gjithë mbështetjen e nevojshme për familjen e tij. Në këtë moment zie, të gjitha aktivitetet e klubit anulohen”, njoftoi klubi.
O FC Alverca Futebol SAD e o FC Alverca comunicam.
Com profundo pesar comunicamos, de acordo com as informações prestadas pelo corpo médico do Hospital de Vila Franca de Xira, o falecimento por morte cerebral do nosso atleta Alex Sandro dos Santos Apolinário, esta manhã. pic.twitter.com/arzUyICRy2
— FC Alverca (@FCAlverca) January 7, 2021
