Një incident ka ndodhur gjatë ndeshjes së Holandës me Gjermaninë U20. Ndeshja përfundoi me barazim 1-1.
Mbrojtësi i “tulipanëve”, Jordan Teze, pështyu futbollistin e Gjermanisë Salih Ozçan.
Ky veprim u kap nga kamera dhe u shpërnda me shpejtësi në rrjetet sociale.
Pas këtij incidenti, Federata Holandeze e Futbollit përjashtoi pa afat mbrojtësin që aktivizohet me PSV-në.
Lojtari Teze reagoi lidhur me vendimin, duke pranuar gabimin.
“Gabova dhe federata me të drejtë më pezulloi. Kërkoj falje dhe pranoj pasojat, nuk ka për të ndodhur më. Shpresoj të luaj sërish për Holandën, që të tregoj që kam nxjerrë mësime nga ky gabim idiot”, shkroi lojtari holandez.
