Institucioni i prokurorisë duket së ka dëgjuar kërkesën e ambasadorit amerikan Donald Lu që të hetojnë dhe “Peshqit e mëdhenj” të politikës. Gazetarja Klodiana Lala ka komentuar mbi paralajmërimet për arrestimin e peshqve të mëdhenj në vitin 2018. Ajo tha se po hetohet një deputet i një force politike, por nuk preferoi të bëjë publike emrin.
“Po hetohet një deputet i parlamentit nga prokuroria por unë nuk preferoj të bëj publik emrin” tha Lala.
Ndërkohë ambasadori Donald Lu në deklaratat e mëparshme ka thënë se “nga lufta kundër krimit të organizuar ne presim rezultate. Ne presim arrestimin dhe ndjekjen penale në fillim të vitit të ardhshëm dhe që ky sukses të vazhdojë në 2018. Partnerët ndërkombëtarë të Shqipërisë e presin këtë, populli shqiptar e meriton këtë”.
Ndërkohë ambasadori Lu ka përmendur një fjale të urtë tonën kur thotë se “peshku i madh e ha të voglin”. Për një herë të vetme në Shqipëri le të hamë peshkun e madh. Organet e drejtësisë kanë dështuar deri tani. FBI është këtu për tu angazhuar në luftën kundër krimit”.
